$500 000 — Agrobank bilan birgalikdagi akseleratsiya dasturini bitirgan startaplar jalb qilishi mumkin bo‘lgan investitsiya miqdori.

AI Station, Agrobank va AgroVentures hamkorligida startaplar uchun 12 haftalik korporativ akseleratsiya dasturiga arizalar qabulini e’lon qildi. Dastur doirasida ishtirokchilar o‘z texnologik yechimlarini bank va uning portfel kompaniyalarida pilot loyihalar orqali sinovdan o‘tkazishlari mumkin.

Saralash jarayoni yakuniga ko‘ra, 20 tagacha eng istiqbolli startap tanlab olinadi. Ishtirokchilar xalqaro va mahalliy ekspertlar bilan individual mentorlik sessiyalarida qatnashadi hamda Demo Day yakunida investorlarga o‘z loyihalarini taqdim etish imkoniga ega bo‘ladi. Dasturda qatnashish bepul va startaplardan ulush talab qilinmaydi.

Bu hafta: 9-noyabr muddatigacha loyihangizni dastur talablariga moslab tayyorlang va platforma orqali ariza topshiring.

📸 Instagram: https://instagram.com/biznesvaqti.uz 📘 Facebook: https://facebook.com/BiznesVaqti

Obuna bo'ling — @BiznesVaqtiuz