175 million — Visa va Mesh hamkorligi orqali dunyo bo‘ylab shuncha savdo nuqtasida kriptovalyutada to‘lov imkoniyati yaratiladi.

Visa va Mesh kriptoplatformasi to‘lov tizimini yangilash ustida ishlamoqda. Mazkur yechim mijozlarga kriptovalyutani oldindan sotish yoki alohida bank kartasiga o‘tkazishni talab qilmaydi. Tranzaksiya vaqtida Mesh tizimi kriptoaktivni real vaqt rejimida an’anaviy valyutaga avtomatik tarzda konvertatsiya qiladi.

Texnologiya mavjud terminallarda maxsus virtual identifikator orqali ishlaydi. Bu biznes egalaridan qo‘shimcha uskuna o‘rnatishni yoki to‘lov qabul qilish tizimini o‘zgartirishni talab etmaydi. Dastlabki ma’lumotlarga ko‘ra, Visa 200 mamlakat va hududda ushbu qulaylikni joriy etishni rejalashtirmoqda.

Bu jarayonni foydalanuvchilar o‘z kriptohamyonlari orqali amalga oshirishi mumkin, biroq xizmat ko‘lami har bir ilova ishlab chiqaruvchisining ushbu funksiyani integratsiya qilishiga bog‘liq.

Bu hafta: mijozlaringiz ko‘proq qaysi to‘lov usullaridan foydalanishini tahlil qiling va agar siz chakana savdo bilan shug‘ullansangiz, kelgusida kriptoto‘lovlarni qabul qilish bo‘yicha texnik imkoniyatlaringizni o‘rganib chiqing.

📸 Instagram: https://instagram.com/biznesvaqti.uz 📘 Facebook: https://facebook.com/BiznesVaqti

Obuna bo'ling — @BiznesVaqtiuz